Aizawl : ZPM thalai president Malsawmzuala Ralte-in a thlawna sem emaw thawkhah lova thil neih te hmasawnna daltu a nih thu a sawi.
MADC inthlan lo awm tura inbuatsaihna kal zelah Thosai khua-a ZPM campaign office a hawnnaah he thu hi ZPM party thalai president chuan a sawi a. “Thawhrimna hma- nga hmasawnna hi a tlo ber a, kan ngaihlu ber tur a ni” tiin, “A thlawna sem emaw thawh hahna tello emaw hian hma min sawn tir ngai lo” a ti.
ZPM thalai president, AMC councillor ni bawk Malsaw- mzuala Ralte chuan Mara mipuite chu tling zo lo tura an ngaih pawh an duh zawng tak chu vote mai turin a chah a. ZPM-a a tel chhan chu ZPM policy a ṭhat vang a nih thu sawiin, mipui ten tun aia hma an sawn theih beiseia ZPM-a tel ve a nih thu a sawi.
Dik taka tih chuan politics-ah hausak viauna tur a awm loh thu sawiin, Malsaw- mzuala chuan “Ram leh mipuite aia mahni hamṭhatna, mahni nawmsakna, ro sum leh paia inhaivur duh rorêltute hi kan chunga rorêl zui zêl tur an ni bîk em ni”, a ti a. Chutiang mi te chu mipui ten vote hmanga paih a hun tawh thu a sawi bawk.