India ramah darkar 24 liam ta chhung khan coronavirus kai mi 3,377 hmuh chhuah leh hman an ni a, anni nen hian hri kai hi mi 4,30,72,176 an tling ta.
Union health ministry-in a chhinchhiah dan chuan hri kai enkawl lai hi mi 17,801 an la awm a. Tun hnaiah hri kai hi hmuh tam leh hret hret a nih avangin enkawl lai pawh an pung hret hret zel a, darkar 24 liam ta chhung pawh hian mi 821-in an pung leh hman.
Darkar 24 liam ta chhung hian mi 60-in hri leng hi an thihpui leh hman bawk a, mi 5,23,753-in an thihpui tawh.
Hri kai hmuh chhuah tawh zawng zawng atanga chhutin enkawl lai hi 0.04% an la ni a, 98.74% erawh enkawl dam an ni tawh tih ministry chuan a tar lang.
India-ah hian hripui a len atangin sample vaibelche 83.69 chuang endik tawh a ni a, darkar 24 liam ta chhung pawhin sample 4,73,635 endik leh hman a ni.
Darkar 24 liam ta chhunga endik zinga 0.71% chuan hri an kai tih hmuh chhuah niin chawlhkar khat liam ta chhunga endik zinga 0.63%-in an kai bawk.
Nikum January atanga invenna pek beihpui thlak kal zelah vaccine dose vaibelchhe 188.65 pek a ni tawh bawk.