Uttar Pradesh-a nula pakhat chu a pasal neih nia pasal nei tura inbuatsaihna an neih laiin kah hlum a ni a, a kaptu hi a bialpa hlui ni ngeiin a chhungte chuan an sawi.
Mathura-a Mubarikpur khuaa Zirtawpnia thil thleng a ni a. Kajal-i hi an sakhaw dana tih thin pakhat, ‘Jai Mala’ an tih zawh hnu lawkah kah hlum a ni.
An sawi dan chuan a kaptu hi a lo kawp ve tawh thin a ni a, mipa dang daih pasal a nei tur thinrim chu hetiang hian a che ta mai nia sawi a ni.
Silai puak thawm an hriat rualin a chhungte leh thenrual thate chu an tlan khawm nghal a, mo ber chu kah hlum a lo ni si a ni.
A pa, Khubi Ram Prajapati chuan, “‘Jai Mala’ kan tih zawhah ka fanu hi intifai turin ama pindan bikah a lut a, kan hriat ngai loh mi a lo kal a, a lo kap hlum ta a ni. Hetiang thil hi a thlen kan ring phak lo,” a ti.
A fanu kah hlum a ni tih a hriat veleh a pa hian police station-ah thubuai a thehlut nghal a ni.
Mathura SP (Rural) Shrish Chandra chuan, “Hetiang thil hi a thleng tih kan lo hre tawh a, complaint a luh angin thubuai ziah luh a ni a, kil hrang hrang atangin police-in an chhui zui ang,” a ti.