- F. Vanlalrochana
- HIGHWAY IS MY HOME (IM A LONESOME FUGITIVE)… Mizo ten Highway is my home tia kan hriat lar hla hi “The Fugitive’ tih a ni a, “(I’m a Lonesome Fugitive”) tiin a thupui an vuah thin bawk. 1966-a Merle Haggard –a Single a ni. San quentin Lung Ina a lo tan tawh avangin Merle Haggard-a hian ama chanchin behchhana a phuah leh sakzui a nih duh hmel viau nain, ama phuah erawh a ni lo thung. Liz Anderson leh Casey Anderson te phuah a ni a, country singer lar Lynn Anderson nu leh pate an ni.
All my friends are gonna be strangers tih pawh kha Liz Anderson hla tho hi a ni a. 1960 chhoa zaithiam lar Charlie Pride, Ernest Tubb, Loretta Lynn, George Jones, Skeeter Davies te khan Liz Anderson hla te hi an albumah an sa tel ve ziah a ni. Hla phuah mai bakah zaithiam lar a tling a. A fanu pawh a lar zui ve leh ta hle a ni.
Liz Anderson te nupa hian thingtlang kawnga an tlankualna lamah, TV show lar tak mai David Jansen te channa The Fugitive ngaihtuah chungin he hla hi an phuah a ni.
Haggard-a khan a hla a han ngaihthlak hmasak ber atangin ama tawn ang riakah ngaiin, a rilru la lian em emtu hla a tling. Country hla sa thiam than a ti thangtu hla a ni ta a ni. Liz Anderson-in Haggard a hriata a han sak tirh pawh khan San Quentin-ah a lo tang tawh tih a la hrelo a ni.
Haggard-a hian a nunah harsatna a tawk nasa tawh thin a. A tleirawl chhuah tirhah pawh tleirawl enkawlna hmunah an dah zak zak a, ruk ruk kaihhnawiah Bakersfield jailah te a han tan zak zak hnuin 1958-60 inkarah San Quentin Jail-ah a tangzui ta a ni.
A nupui hlui leh zaia pui thintu Bonnie Owens chuan, ” San Quentin-a a thil tawn khan engang chiahin nge amah hi a nghawng ka hre ngai chiah lo. A sawi vak silo a. Tumkhat chu, rilru hah hmel taka a awm hi ka hmu a. ‘Engkim a tha vek a maw?’ Tia ka zawh chuan, ‘ka hlauthawng tak zet mai’ a ti ta a. A chhan ka han zawt a. ‘Engtikah emaw chuan, ka tan hunlaia tang ve te nen kan la inhmu anga…45200 engnge i tih a?’ Min la rawn ti nulh thut thei a ti ta a,” tiin Bonnie Owens hian a sawi. Amah Haggard-a kha chuan tan ina a tawn hriatte a sawi lem lo a. A thil tawn te hi kan hre thuk ta vaklo a ni. San quentin hi California lung in upa ber a ni a. 1852 atanga awm tawh a ni. Misual tawrawt ber ber an dahna a ni.
Mi ngaih dan turah a buai a. Zai lama a zinkawng chu a lung in tante chuan a chhe zawngin a nghawng pawh a hlauthawng thin. Heng a ngaihtuahna te hi Branded Man tih hlaah khan a rawn puang chhuak zui ta bawk a ni.
“The Fugitive” hi haggard-a hla zinga Country chart top ni hmasa ber a ni a, kar khat chhung a top-ah a awm.
Merle Haggard-hi a hming pum chu Merle Ronald Haggard a ni a. April 6, 1937-ah a piang. country music singer, guitarist, fiddler, instrumentalist, leh songwriter a ni a. 1970 vel khan Outlow Country Movement lar zet maia meizang hlaptu zinga mi a ni. He hla pawh hi Outlow Country Movement huang chhung a mi a ni a. A changtupa hian man hman loha tlanbo a tum a., a tlan reng mai a nih hi. A tleirawl chhuah tirh hian jail tang reng mai, dan bawh chhe reng mai hi a ni a, Merle Haggard-a nun nen pawh hian a in hmeh em em mai a. A larpui leh zual a tih theih awm e.
Haggard-a nun hi tlan reng mai a ni a, “I’d like to settle down but they won’t let me ‘ tihte hi a inhmeh hle a ni….
April ni 6, 1937 a piang a ni a, a birthday april ni 6-ah vek 2016 khan a thi.
Down every road there’s always one more city
I’m on the run, the highway is my home
I raised a lot of Cain back in my younger days
While Mama used to pray my crops would fail
I’m a hunted fugitive with just two ways:
Outrun the law or spend my life in jail
I’d like to settle down but they won’t let me
A fugitive must be a rolling stone
Down every road there’s always one more city
I’m on the run, the highway is my home
I’m lonely but I can’t afford the luxury
Of having one I love to come along
She’d only slow me down and they’d catch up with me
For he who travels fastest goes alone
I’d like to settle down but they won’t let me
A fugitive must be a rolling stone
Down every road there’s always one more city
I’m on the run, the highway is my home
I’m on the run, the highway is my home
- DIBRUGARH NULA: 2016 October thla a ni a. Dibrugarh-ah Dentist nula pakhat hian Police hnenah Complaint a theh lut a. Sawrkar Engineer pakhat chu man a ni.
He Engineer hian Assam Public Service Commission Chairman Rakesh Kumar Paul-a tân sum a khawna. Pawisa pe duh apiang hna laknaah an lo tling thin a lo nia.
Chairman Rakesh-a hi jail atan phah. Member dang pahnih pawhin. 2017 november ni 7 khan ACS officer 10 leh APS-4 chu hemi case kaihhnawihah hian man an ni bawk.
Dikna avanga chân ngam, tuar ngam te avangin sual tihmualpho a ni fo. Society siamthatna tur hian mi pakhat chauh pawh a tawk fo. - A TIH A TIH
English mi Sir Len Hutton-a chu Cricket History-a Opener ropui berte zinga pakhat a ni. A Cricket khelh hun lai erawh chu indopui pahnihna bawr kha a ni tawh thung. England Captain ropui tak thin a ni. Colin Cowdrey-a chu Test Cricket Batsman ropui an sawi nikhua a sawihmaih thiang lo a ni. Len Hutton-a hun hnuhnung lamah Cricket a khel ve tan a.
Tum khat chu Country Cricket match (English ho Cricket Leaque ve) an khelh tumin Batting (Cricket Ball Vuak dan) chungchang hi Cowdrew-a chuan Len Hutton-a chu a zawt a. Len Hutton-a chuan “I Wicket kha hlut viau rawh. in concentrate tha la, a tawp thlengin dam tum rawh. Ho mai maiah out suh” tiin a hrilh a. He thu hi Sir Hutton-a lo chu sawi tur dang an awm kher lovang.
Chumi ni chuan Len Hutton chu nilengin a bat a, a tuk a an han khelh chhunzawm leh chuan ho deuhvin a out ta mai a. Dressing room-a pan lai chuan rawlthar Cowdrey-a chuan chu Batsman lo kal mek chu a lo bia a. “Leonard, i wicket hloh mai mai suh, ho deuhvin out suh min ti si a” a lo ti a. Chu cricketer ropui chuan nakin lawk a English Cricket Team harsatna hnuaiah chhanchhuaktu ropui la ni tur chu a en vang vang a, “Ka nau, ka tih ang ni lovin ka sawi ang chu ti zawk rawh,” a ti ta a.
Mizo te pawh hi sawrkar ang, kohhran ang, khawtlang ang, Chhungkua, pawl, sikul leh thian ang pawhin kan infuih thin. Kan infuihna ang mil hian kan la tha tawk thin lo te pawh a ni mai thei.
Kan sawi hi zawm ila. Kan zirtirna hi keimahni ngei hi a tihin ti tha ila. Mi tha zawk, hnam tha zawk, inrelbawlna tha zawk kan nei ngei ang le.
Enganga mi ropui leh, kan thusawi chu keimahni aia sawi awm midang awm lo pawh nise; mite hian kan thiltih hi an thlir reng a ni.