Big-budget film- ‘Heropanti 2’ leh ‘Runway 34’ inum tan ta

Kartawp liam ta khan budget lian thama siam film pahnih ‘Heropanti 2′ leh ‘Runway 34’ te chu an inum zak zak a, Tiger Shroff channa hian hma a hruai. ‘KGF 2’ Hindi lakah erawh an la te chem chem hle.
Tiger Shroff channa ‘Heropanti 2’ hian Ajay Devgan inlanna, ‘Runway 34 ‘ lakah a dinhmun a tha chho zel dawn em, tih chu tunkar chho ah hian a hriat ang. Milar tak tak an inlan bawk a, an thawm a ring.
Tlangzarh phat khan cinema hall lamah house full ngei tumin an inum zak zak a, kartawp a thlen meuh chuan Tiger Shroff a langsar zawk.
Boxofficeindia tarlan danin, ‘Heropanti 2’ hian cheng vaibelchhe 7 a lakluh tawh laiin, ‘Runway 34’ kutah cheng vaibelchhe 3.25 a tlu lut tawh. Hetih lai hian, opening day-a sum hmuh chhuah tlem ber an ni dun tho a, lawmna tur a tam viau hran lo.
Amaherahchu, Eid holiday te a ni chho ang a, boruak a inher danglam thei tho bawk a, a tu zawk nge ding chhuak dawn tih erawh hunin a rawn hril thuai ang.
Film pahnih inum kual mek te hian Eid hunpui thlenga thawm an nei chho lo a nih vaih chuan ‘KGF 2’ Hindi hian holiday remchang a la ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427