Hri leng tam lai, naupang zawkte ven a ngaih hun lai a ni
Khua a lum a, ruah bawhawk a awm hunlai a ni leh thin bawk. Hetiang hunah hian tlang hri leng kai a awl zual bik a, naupang lam thlengin ven fimkhur a, an hriselna ulukpui an ngai hle.
Mizorama damdawiin pan hlawh ber pawl Aizawl Civil Hospital a thawkte pawhin naupang kawthalo leh luak bakah khawsik an enkawl nasat thu an sawi a, mahnia damdawi inchawh mai lovin damdawiin pan hram hram ni thei se an duh thu an sawi bawk.
Doctor te chuan damdawi ina hruai an nih hnua damdawite an ei hnu pawha naupangin thil a la ei theih loha a khua a la sik zela, a ekte a thi chhoh a, nikhawhrelo emawa a awm tawh chuan buaipui vat a ngai tawh a ni tiin, hetiang thil a thlen chuan nunna chhan nan damdawi in a rang lama pan leh vat tur a nih thu a sawi a, nu leh pate pawhin ngaih pawimawh leh an mizia en uluk a ngai hle.
Doctor te chuan naupangin an taksaa harsatna an tawh chungchangah nu leh pa thenkhatin sepcialist doctor kher pan an tum thin chu thil tha lo a ni tiin, “Thawhah kan tih leh natna dangah pawh nise specialist kher lo doctor pan vat mai tur a ni,” an ti bawk a. A tul anga damdawiin hnai ber pan a fuh ber zel tih i hre bawk ang u.
Khawchin kan hre lawk lo ang bawkin, kan hmalam hun a hriat lawk loh a, chuvang chuan puitlingte pawhin kan dinhmun enfiah reng chungin, naupang zawkte dinhmun pawh boruak thlirin enfiah ila, a theih ang anga damdawi lam thiam rawn i ching ang u.