LAKLAWH LAIA TAWP
Phone a inbiak laia enge a chhan leh vang pawh hriat lohva thil phur awm tak tihtur nei ang ziazanga inbiak lai tihtawp talh a tum chuan inenfiah ang che.
A biak lai che a, thil tharlam deuh engmah sawi tur nei lova, thu a sawi a sawi chuan tawpna a hnai tawh tih hre bawk ang che.
HMALAM HUN SAWI NGAI LO
Chhas te nen emaw kawppui te nena in inbiak lai leh khunkhan taka hmalam hun sawi a ngaih changa sawi tur vak a neih lohin emaw phur lo zeta a sawi liam luam a nih chuan thil a kal fuh lo tih hriain chinfel dan zawn vat a tha.
Hmalam hun lo thleng tura phurna tehchiam a neih loh chuan in inkar boruak a chhe tan mek tihna a ni thei.
RINNA BEITHAM
In pahniha in awm dun laia, ‘Mahni chauhva inngaihtuahna hun ka mamawh’ a tihin emaw ‘Midang kan rawn vat a tha’ tia a sawi reng chuan i lakah beisei a nei tlem tial tial tih hre rawh.
Midang rawn a tha lo tihna a nih loh rual-in heti ang lam hawi zâwnga thu a sawi reng chuan nangmahah rinna a nei tam tawh lo tihna a nih theih avangin a tlai hmâa tihfel vat a tha.
Vei lam a melh chhen chuan a fuh tawh lo
Mithiam tak Bill Raduenz chuan mihringin vei lam a melh deuh vang vangin emaw i han biak pawha vei lam a en deuh tlat chuan kha i biaka khan i chungah ‘rinawmna dik tak’ a lan tir tlêm sawt hle tihna a ni’ tiin a sawi.
Thluak vei lam hian thil thar ngaihtuah chhuahna hna a thawh thin avangin hmelthar te pawh a lo tawng a ni mai thei a sin.
KUTZIAK ATANGIN
Graphologist Karen Weinberg chuan tihian a sawi, “Mihring tu pawhin an inkar boruak tihtawp emaw dahbo an duh reng rengin an kutziak leh thuziak atangin awlsam te-in a hriat theih.
Entirnan: LOVE tih an ziah laiin ‘E’ te an han hmaih deuh tlat Thin a, LOV tih tlawng a rawn ziak a nih chuan engemaw tak chu a thleng tan mek tih hria ang che.
Tin, i hming a ziah dan thin lo ang taka a size a tihtet deuh chuan a laka i pawimawhna a te tial tial tih hmuh thiam tum ang che,” a ti.
THINRIMNA AWM I TI EM?
Engemaw deuh hleka tih tauh reng maite leh thil ho te-a lang si- sawi deuh reng a tum chuan a chhangkham deuh tawh che tihna a ni thei a, a hawiher dan leh a Tawngkam chhuak atang tein engemaw chen chu a hriat lawk theih a ni.