India ramchhunga Netflix a chetchhiat mek laiin, Amazon Prime Video chuan pay-per-view move rental service thar hmangin sum tam tham a vawmlut a ni mai lova, Indian mipuite tan film thar 40 chuang a chhawpchhuak dawn.
Amazon Prime Video hian thrillers leh horror lamah a insawrbing lehzual dawn a, heng genre pahnih te hian mainstream film industry-ah inhamtang ve bawk mah se, hit mangkheng erawh a tam lo. Amazon Prime Video-in heng genre pahnih atanga a vawrhchhuah leh tiththar zel tur sawm (10) tarlang ang:
- Adhura
A thei fate kalna Boarding school lar takah thuruk thim chhah tak leh tihbaiawm bawk si inphumru a awm a, chu chuan an sikul innghahna leh a zawmpui leh kaihhnawih zawng zawngte tan mangchhia a thlen dawn, a sáwi danglam nasa ang. Supernatrual thriller pui tak a ni ringawt.
Changtu langsar te: Ishwak Singh and Rasika Dugal
- Dahaad
Khaw lian vak lo pakhata serial killer inlarna a ni a, a thisen zungzam leh tiril khur zawih zawih thei khawpa tibuaitu hi hmeichhe police officer hian engtinnge a buaipui chhunzawm zel ang le?
Changtu langsar te: Sonakshi Sinha, Vijay Verma, Gulshan Devaiah, Sohum Shah
- Farzi
Artist langsar lem lo, a pu khawlchhutna hmuna inhlawh ve mai thin kutah a chemkalna ni zawk zawm tak hna tihabaiawm tak nghah a ni ta. Thim tham khawvelin a mamawh ngawih ngawih a lo ni bawk nen, engtin tak hlenchhuak ang maw?
Changtu langsar te: Shahid Kapoor, Vijay Sethupathi, Raashi Khanna, Kay Kay Menon, Regina Cassandra, Zakir Hussain, Bhuvan Arora, Amol Palekar, Kubbra Sait
- Indian Police Force
Ramchhung hmun hrang hranga bomb puak, thisen chhuahna leh inrinkrapna thleng zut zutah a hnarkaitu leh meizanghlaptu firfiak rothap tak chhui chhuak a, mana tura a theihna zawng zawng leh a tlin phak bak thleng thleng pawha chechhuak Delhi police officer la naupang tak chet velna action thriller hi i hmaih thiang lo.
Changtu langsar te: Sidharth Malhotra, Shilpa Shetty, Vivek Oberoi, Isha Talwar
- PI Meena
Hmeichhe la naupang angreng tak, buaina ngah bawk, Private investigator ni bawk si ina, amah leh amah inhmuhchianna leh harh kawk kawkna tur khawvela barhluh a nih takah chuan duhthlan tur dang a ngah lo.. A bak chu en chhunzawm mai rawh.
Changtu langsar te: Tanya Maniktala, Jisshu Sengupta, Vinay Pathak, Parambrata Chattopadhyay, Samir Son
- Dancing on The Grave
Crime investigative series tak takah hian pawikhawihna rapthlak tak hlenchhuaktu ngei mai hmaichhana kawmna, hlimathla hmuh hrehawm te thlenga phochhuahna hian eng emaw takin a siam ang che.
Series beisei leh tur te:
Breathe: Into The Shadows, Mirzapur, Paatal Lok, leh The Family Man te pawhin season thar an chuangkai dawn a, heng series hmuhnawmzia hrechiangtu i nih kha! A nghah lam taimak hret a ngai thung ang.