Aizawl : Mission Ve -ngthlang Sporting Club-in nimin tlai khan an executive committee member ‘Save Tlawng River’ project hmanga ke-a Tlawng lui zawhchhuaktu Romalsawma (Roma Hmar) pu- ala hun hmangin Thang- chhuah Diar leh Thangchhuah Kawr an hlan.
. Roma chuan Tlawng lui tawp tawh zia leh humhalh a tulzia a sawi uar hle a. Tlawng lui bawlhhlawh lutuk chuan a tlantu mipui tam tak hriselna a nghawng pawi theih dan te sawiin, Tlawng lui a lo thianghlimna tura bawlhhlawh paih kawnga hmasawn a tul hle thu a sawi bawk.
Tarlan tawh angin Romalsawma hian April ni 20 atanga Lunglei Zoba- wka Tlawng hnar atanga ke-a Tlawng lui zawhin, tunkar Ningani khan Bai- rabi kai a thleng a, hemi ni vek hian Bairabi-ah a project kalpui ‘Save Tlawng River’ project kharna in- khawm Minister of State K Lalrinliana hova neih a ni.
Mission Vengthlang Sporting Club-in kumina Adventure Club an din tharah Roma hi Leader atan ruat nghalin tun thle- ngin leader a ni a. Nimina amah lo lawmna inkhawm Mission Vengthlang YMA hall-a neih hi Mission Vengthlang Sporting Club President Saidingliana Sailo-in a kaihhruai a, L. Thangmawia, MLA, Mission Vengthlan pa ni bawk leh Mission Vengthlang khawtlang hruaitu ten an telpui bawk.