Sri Lanka Prime Minister Mahinda Rajapaksa chu an ram eibar dinhmun hniam lutuk avanga mipuiin nasa taka duh lohna an lantir hnuah a bâng ta.
Thliarkar ramah hian Colombo khawpuiah Rajapaksa thlawptute leh sorkar duh lotute an intihbuai hnuah curfew puan mek a ni.
Mi pathum an thi a, an zingah rorel lai party MP pawh a tel a, mi 150 chuangin hliam an tuar bawk.
Thla hmasa atang khan thil man sang leh power awm lo nasa lutuk avangin mipuite hian sorkar duh lohna hi an lantir tan a ni.
Thliarkar ram hian kum 1948-a Britain atanga a indan hnuah eibar dinhmuna an hniam lai ber an tawng mek a ni.
Kum 76 mi, Rajapaksa hian Thawhtanni khan a nau, President Gotabaya Rajapaksa hnenah a bânna hi a thehlut a. A nau hnenah hian an buaina chu a chin fel theih ngei a beisei tih a sawi a. A nau a la president miau avangin a bânna hian sorkar duh lotute lung a tihawi phah erawh erawh rin a ni lo.
April thla tir atanga mipuiin sorkar duh lohna an lantir hnuah Galle Face Green-a President Rajapaksa pisa kawtah an inkulh a; mahse, buaina an siam lo va, bengchhen erawh an bengchheng thin hle.
Mipuite hi ni tin khawsakna mamawh hrang hrang an tlakchham avangin an thinrim hle.
Sri Lanka hi foreign currency reserve an neih tawh loh ram pawn atanga an mamawh ei tur, damdawi leh tuialhthei an la lut thei rih lo.
Sorkar chuan sum lama puihna a ngen a, Covid hripui avangin an ram sum hnar ber, khualzin an awm loh avangin sorkarin a tuar niin a sawi.
Mi thiamte erawh chuan an ram sum leh pai enkawl dan a dik loh avang zawk niin an sawi ve thung.
Prime minister-in bânna leh a thehluhah hian ‘party zawng zawng telna tangrual sorkar siama tuna an harsatna chin felna tur kawng zau takin a inhawng ta’ niin a tar lang tih AFP chuan a tar lang.
Eptu party-te chuan sorkar mekin tanghova sorkar din a sawmna chu an lo hnawl tawh a, president chu a bân an duh ber a ni.