music Huang dang tana inziahluh harsa taka ngaih thin Rock And Roll Hall Of Fame chuan Rap thlengin a senglut chho ta a, an hotupa CEO Greg Harris chuan Eminem-a music chu metal hla ang maiin, a thawk nâ, a ti.
Kumin 2022 a lawmluh tur zinga langsar Eminem music hi metal hle nen a dah hrang lem lova, a ngainat thu thlengin a sawi. Eminme hi Rock & Roll Hall Of Fame-a lawmluh tur artist pariat zingah a tel a; Dolly Parton, Duran Duran, Lionel Richie, Eurythmics, Carly Simon, Judas Priest leh Pat Benatar te nen puithu taka lakluh an ni ang.
CEO Greg Harris hian institution hminga rock & roll lang vang maia genre dangte tana len ve lohna anga ngaihna leh pawmna te chu thu belhchiandawl lo a nih thu uar takin a sawi a, country star Dolly Parton thlengin angkhat vekah an pawm a ni.
“Kum tam tak atang tawh khan hip-hop chungchangah mi tam takin zawhna an nei fo a, Eminem hi he huanga sengluh tur sawmna chiah a ni. A music te hi han ngaithla chiang mah ula, metal hla nena min deh dan leh a thawh nat dan hi a danglam lo reng reng. Message a keng tel a, rhythm chak tak leh band thiltithei takte rimawi tum ang maiin âwm hi a nghawr dawt dawt thei.
“Kumina kan lalut thei tur hian min tiphur hle a ni,” tiin CEO Greg Harris hian a sawi.