Aizawl : ZPM thalaiin “Robert Romawia Royte-in state sum thawhchhuah a tam thu te, tax revenue-a hmasawnna nasa tak a awm thu leh leiba kan neih tlem thu-te a sawi laia, February thla laihawl thlenga Mizoram Health Care Scheme hnuaia damlo mi 23,031 bill tang zat Rs 59,63, 40,278 a ni si chuan sum enkawl kawnga MNF sorkar hlawhchham zia a târlang chiang hle” an ti
ZPM thalai chuan “Robert Romawia Roy- te-in a sawi anga sum leh paiah hmasawnna nasa tak a awm a nih si chuan engvânginnge MNF sorkâr hian health care-a inziahluhna man a tihsân? tih hi kan zawhna a ni” an ti a, health care bill tâng te pe chhuak thuai turin kan phut.
“Sum ngah sorkâr intiin, Health Care inziahluhna man an tihsanah AAY pawh a zuahlo te, financial year khat chhûnga kawlphe- tha hman man vawi 2 lai a tisâng te khan MNF sorkârin mipuite min rawk hreh loh zia a tilang chiang hle” an ti a. “MNF sorkâr hian sum lama harsatna a nei lo a nih chuan SEDP pawh a Vaimim chi ang zawnga sem lovin, an intiamna angin chhung tinah cheng nuai 3 sem ngei turin kan phut” ZPM party thalai chuan an ti bawk.