India-a aviation minister chuan tual chhunga thlawk thin airline pakhatin an thlawhnaa pianphunga rualbanlo tleirawl chuantir ve a phal lo nia sawi awm chu chhui turin thupek a chhuah a. He thil thleng nia sawi hian mi tam tak a tithinrim hle.
Airline thawktute chuan tleirawl nu leh pa hnenah hian an chuanpui dangte tan a risk a sang lutuk niin an hrilh.
He thil thleng hi hriat darh a nih veleh airline-in inthliarna rawngkaia thil a ti demna thawm a ring nghal hle.
IndiGo erawh chuan hetiang thil thleng hi an pha a, rualbanlote tana an an service a that avangin an inchhuah ve hle zawk thu an sawi.
Aviation Minister Jyotiraditya Scindia chuan Thawhtanni khan dan ang taka thil kalpui a nih tur thu a sawi a, amah ngei pawhin thil thleng chu a chhui dawn tih a sawi.
“Hetiang thil hi enliam leh ngaihdam chi a ni lo va, tumahin an palzam tur a ni lo,” tiin Twitter-ah a tar lang.
Directorate General of Civil Aviation (DGCA) pawhin hetianga puhna an chunga awm mek chu sawi fiah thuai turin airline hi a hriattir bawk.
Inrinnia Ranchi thlawhna tumhmuna thil thleng kha a ni a, tleirawl chuanpui pakhat, Manisha Gupta-i’n Facebook-a a ziah atanga darh a ni.
Gupta-i’n a tar lan dan chuan rei tak an nghah hnuah IndiGo-a thawkte hian a chuan ve an phalsak lo va, passenger dangte tan buaina a awm thei niin an hrilh tih a tar lang.
Passenger dangte chuan thawktute hnenah hian a buaithlak loh thu leh a nu leh pate nen chuan chuang se an duh tih an sawi tih a tar lang.
“Doctor rual lo chuang ve turte pawhin naupang leh a nu leh pa chu vansanga a buai pawhin an puih vek tur thu an sawi,” tiin Gupta-i hian a ziak.
Heti chung hian airline chuan an phalsak lo va, an manager chu ‘thunun theih loh’ leh ‘chiai lutukin’ a awm dawn niin a sawi tih a tar lang bawk.
Gupta-in Facebook-a a ziah hnuah a darh nasa nghal hle a, tam tak an thinrim a, demna pawh a tam hle.
IndiGo chuan thuchhuah siamin passenger-te himna an ngaihtuah vang a nih thu leh chuan an phalsak lohte chhungkua hi khualbukah an dah vek a, a tukah an tum ramah an thlawhtir tih an sawi.
“Hetiang lamah hian IndiGo hi kan inchhuang ve a, thla tin pianphunga rualbanlo 75,000 chuang kan thlawhnaah hian an chuang thin zawk,” an ti.