NBA conference finals a intum tur a chiang a. Thawhtanni zingah rinkai ni zawk team pahnihte an khingpuiten best of seven series-ah 4-3 ve ve in an hneh.
Boston Celtics in NBA champion lai Milwaukee Bucks chu 109-81 in game 7-ah an hneh a. Miami Heat nen Eastern Conference finals an khel ang.
Celtics tan Grant Williams chu series lakna hmanraw pawimawh a ni a. Game 7-ah hian point 27 a score a. Celtics in tharum leh inpekna hmanga ‘defense’ tha tak an khelh theihna kawngah Williams a pawimawh.
Jayson Tatum chuan point 23 a thawh bawk a. Bucks tan thiampuipa Giannis Antetokounmpo chuan point 25 leh rebound 20 a la a. Milwaukee team khaidingtu ni thin mahse a thachhangdawltu hlun Khris Middleton a awm loh avangin hun pawimawhah point score tur an indaih lo thin.
West lamah champion tura rin Phoenix Suns an chesual a, Dallas Mavericks lakah 123-90 in an tlawm.
Star player Luka Doncic chuan point 35 a score a, Spencer Dinwiddie chuan round hmasa lama a tih hleihtheih loh thin ti in point 30 in a thlawp a, kum 2011 hnuah a vawikhat nan West finals an khel dawn.