Synod Finance Committee thutkhawm vawi 141-na chu nimin atang khan J.M Lloyd Hall, Synod Office-ah neih tan a ni a, vawiinah chhunzawm a ni ang.
Committee hi Synod Moderator Rev. Dr. Vanlalnghaka Ralte-in a kaihruai a, secretary report leh finance officer report ngaihthlak a ni. Synod Office leh Synod hnuaia department hrang hrang internal audit tluang taka neih thu leh financial statement leh audit report-te pawh a bua siam fel a nih tawh thu te, kumin chhungin hmun hnihah accounts training neih thu te secretary report-ah tar lan a ni.
Tun tum committee-ah hian thu ngaihtuah tur chhawpchhuah paruk a awm a, dudget reprovision dilna te, chartered accountant rawih chhunzawm tur chungchang te, Synod Reserved Fund dah chungchang te, Mission Reserved Fund dah chungchang te leh Statement of Account & Audit report thlirho te chu a langsar zual a ni.
Synod Finance Committee thutkhawmah hian committee member 52 kalin Aizawl khaw chhung atangin 20 leh Aizawl khaw pawn atangin 32 an kal a ni.