AIZAWL: Aizawl district-ah Aizawl Bawrhsap Dr. Lalhriatzuali Ralte kaihhruaiin -Nasha Mukt Bharat Abhiyaan (Drug Free India Campaign)- kalpui mek a ni a, thalai, a bikin kum 18 la tlinglo zingah damdawi ruihtheih hmansual a hluar hle nia hriat a ni.
He campaign kalpui tur hian Aizawl SP chairman-na hnuaiah Task Group din niin, kawng hrang hranga hmalak mek a nih thu sorkar thuchhuahin a tarlang a. Task Group te hian Damdawi dawr te endikin, Aizawl hmun hrang hranga Damdawi dawr 118 te hnenah Damdawi ruih theih chi chu kum tlinglo hnena hralh lo tur leh doctor prescription nei lo hnenah damdawi, a bikin ruihtheih chi ho chu pechhuak lo tura ngenin an hriattitr a ni.
Kumtlinglo hnenah damdawi ruih theih chi hralh leh Lo tilui emaw, doctor prescription nei lo hnena damdawi, a bikin ruihtheih chi hralh ching an awm a nih chuan an chungah action lak a nih tur thu leh an license thlenga cancel theih a nih thu sorkar thuchhuah chuan a tarlang.
Task Group-ah hian Police, Excise & Narcotics department, Food & Drugs department, School Education department, Social Welfare & Tribal Affairs department leh Mizoram Chemist & Druggist Association aiawhte an tel.