Bollywood star Kangana Ranaut chuan car changkang tak Mercedes Maybach S680 leiin, Indian zinga he car nei hmasa ber a ni ta.
Cheng vaibelchhe 5 chuang man car thar lei lawmnaah a chhungte an tel kim hle. A channa film nghahhlelhawm tak, ‘Dhaakad’ tlangzarh hmâ lawkin an leichhuak a ni.
Kangana hi changkang taka awm ngainami niin, tum sang mai piah lama khawsak sang, tia rinna nghat tlat leh chu dinhmun thlen tum tlat thina hriat langsar a ni nghe nghe.
A rilru-a awm ang ang, huaisen taka sawichhuah thin vangin eng emaw hleka mi ngaihven leh bengkhawn a ni fo tawh thin.
Lemchan lama hnuhma duhawm tak tak neiin, sawi hat hat tling thina ni a, award thahnem tak a kutah a tlulut tawh.
Chung zingah chuan National Film Award vawi li ngawt dawng thei a nihna sawi nep theih a ni lovang.
Heng film lar tak tak- Fasion (2010), Queen (2015) leh Tanu Weds Manu (2016) atangte’n a dingchhuak a, nikum khan Manikarniak leh Pangaa-a a chetthat vangin he award hlut hlawh tak hi pek a ni.