Aizawl: Ni li cham tura Mizoram tlawha lo zin, Union Minister of State for Railways & Textiles Darshana Jardosh leh Mizoram Chief Minister Zoramthanga te chu Thawhlehni khan CM Bungalow-ah an inkawm.
Chief minister leh Union minister te hian textile industry hnuaia handloom leh handicraft lamah Mizoram chawisan theihna a awm thu te, India ram thenawmte chu textile lamah khawvela hmahruaitu an nih dan te leh India pawhin nasa taka hma a sawn ve theih dan te an sawi dun a ni.
Union minister hian Mizoram leh India hmarchhak state-te chu kutthemthiamna lamah theihna nei tha nia a hriat thu a sawi.
Rel kawng siam mek chungchang pawh theihtawp hma lak a nih thu Jardosh hian a sawi bawk.
Jardosh hian vawiin hian Thenzawl-a puantahna hmunpui tlawh a tum a ni.