Rimawi khawvela hla lar ber zingami ‘Smells Like Teen Spirit’ MV-a Rock Icon Kurt Cobain-a guitar hman chu lilamna ah $Mtd. 5 tling lo deuha hralh a ni.
Fender Mustang electric guitar hi May 22 khan Juliens’ Auctions kaltlangin Jim Irsay Collection, Indianapolist te kutah a tlu lut.
A tirah chuan he guitar hi $600,000 vela tihral theih beisei a ni na a, an hralh meuh chuan original estimate hi nasa takin a khum.
Guitar World hmaa interview hnuhnung ber a neihnaah Cobain chuan 1969 vei khawr guitar hi a hmanraw ngainat ber zingami a nih thu uar takin a lo hrilh tawh.
“Veikhawr ka ni a, quality tha tak, veikhawr tana siam ni bawk si guitar hmuh hi thil awl-ai lo tak a ni. Mahse, khawvelpuma guitar awm zawng zawng zingah Fender Mustang hi ka ngaina ber. Heti ang hi pahnih ka nei nghe nghe,” a ti.