Rock band Aerosmith chuan Las Vegas khawpuia show neih an tum chu zaipu Steve Tyler harh fim chiah lohna vangin an thulh.
Kum sawm kalta atang tawha harh fim tawh hi a ke zai na lama nachawkna a ei deuh reng hnu ah a talbuai zui hle.
Kum 74 mi hi a hriselna enfiah a ngaih vang te leh dam taka a awm leh thuai theihna turin ama thu ngeiin Rehab-ah dahluh niin, band thuchhuah siamah tarlan a ni.
Ruahman dan chuan Aerosmith hi June 17 hian ‘Deuces Are Wilds’ show bultanna neih tum an ni a, tum angin an kal thei dawn lo.
Heti ang hi a nih vangin June leh July thla chhunga show neih an tum zawng zawng chu thulh fai vek an ni a, September thlaa Park MGM hmuna show neih tum erawh kaltlangpui theih an inbeisei.