Astroworld Festival-a mipui inpawngchilna thubuai hmachhawn mek rapper Travis Scott-a’n thubuai dang a hmachhawn leh ta.
Rolling Loud Festival, 2019 kuma mipui inchilbuaina lam bawkah police te’n thil hlauhawm a thleng thei a, inven sen loh dinhmuna inhlangkai theih a nih dan an hrilh lawm lawm chung pawha ngaihthah lui-a puh niin, hemi tuma tel ve hmeichhe pakhat chuan hliam na tak a tawrh chungchangah thubuai a thehlut.
Billboard tarlan danin, Scott hi an police te vaukhanna leh hriattirna a ngaihsak lo a, a zai laklawh lai tihtawp tura ngenna chu ngaipawimawh lovin a zai lui. Thubuai thehluttu aiawha ding lawyer chuan, “Mipui te cho phuar zawng a chetna titawp tura thuneitute ngenna a ngai pawimawh lova, Travis Scott hian tawngkam leh cheziain mipui a tiphur sauh sauh zawk a, a khawsak dan kha hlauhawm leh chhiatna a ko a ni,” a ti.
Thihna hial thlenna leh hliam tak tak awm zuina ni bawk thubuai hi thuneitute lamin an ngai thutak hle a, Travis tan hmabak a hautak chho hle tura ngaih a ni.