Aizawl : Directorate of SCERT hnuaia B.Ed. special education (ri hriatna leh khawhmuh kawnga rualban zo lo) zirlai ten pianphunga rualbanlote zirna tihhmasawnna atana thiamna chi hrang hrang an zirte pholanna – Exhibition nimin khan buatsaih a ni a, chawhnu lamah annual sport kharna hun an hmang nghal.
Exhibition leh annual sports kharna hun hi SCERT Director Laldawngliani Chawngthu-in a telpui a. IVth Semester zirlai C. Ludy (mitdel) chu Princess India Beauty contest runner up a nih phak avangin SCERT-in lawmpuina leh chawimawina an hlan a ni.
Sorkar thuchhuahin a tarlan danin India ram state hrang hrang hnuaia SCERT awmte zingah leh hmarchhak state zingah Mizoram chu B.Ed. special education – ri hriatna leh khaw hmuh kawnga rualban zo lo ten an zir theihna nei awmchhun a ni a. Zirlai (regular-a kal) 110 an awm mek a ni.