Grape chingtute ngaihsak an ngai tak zet
Sorkar in kum 20 liamta atangin grape a chintir a, a hlawkna an tel dawn chauh a, mi tam takin eizawn nan an lo hmang tawh bawk. Mahse, man sak an ni leh ta si. Khua hi a va var lo thin em!
Kohhran tam zawkin sakrament kan theh thin a, chung atante chuan a that tehreng nen, mahse kan hmansak lem lo niin a lang a, kohhran member ngah ber Synod tak ngial pawhin a la hmansak lo. Chu aichuan phai lama mi, alcohol content pawh sang zawkte an chah thin niin hre zau zawkte phei chuan an sawi.
Kan ram kalphung hrim hrim hi a mak a, mahni tharchhuah ngaihsan leh ngaihhlut nachang kan hre lo thin hi a pawi a, kuthnathawktu tam tak mangangin kan la rum zel zawng a nih ber hi.
Tun hnaia sorkar in grape wine a mansak thut chungchangah grape chingtute chuan inhmuhkhawm hmanhmawh an nei a, resolution an siamah, “Grape atanga siam ‘Champwine’ May 27, 2022-a excise department-in an mante hi a bo abang awm lovin pe leh ngei rawh se,” an ti a, Synod in an grape tuite chu sakramental wine-ah an hman ve theih duh bawkin, Inrinnia General Body meeting chuan Synod-in wine a leisak theih nan hmalak an rel bawk a ni.
Kan buaina hian engchen nge a la awh dawn a hriat loh a, kuthnathawktute mangang an thiam anga an chet hma ngeia sorkar hian ruahmanna leh kawng awlsam a zawnpui vat hi a tul hle awm e.