Odisha lam chhuak kum 18 mi Sriya Lenka chu India ram atanga K-pop star hmasa ber a ni ta reng mai.
India rama K-pop fan tam chak dan en hi chuan Korean tuifawn hian min chim viau tawh tih sawn nawn a ngasi kher tawh awm love. K-pop girl group Blackswan member thar ni tura lak luh a ni.
He band hi 2020 khan rimawi khawvela zuang lut tanin, Sriya hian May 26, 2022 khan a zawm. Membe pali awmnaah hian Korean singer leh band leader ni bawk Go Young Heun (Youngheun), Belgium-a inkhuar Senegalese singer Fatou Samba (Fatou), Korean singer-dancer Kim Da Hye (Judy) leh Brazilian-Japanese singer Larissa Ayumi Cartes Sakata (Leia) te an tel.
An mahni enkawltu DR Music chuan thuchhuah an siamah Sriya leh Gabri hi Blackswan member thar an nih thu te thla 6 liamta chhunga khawvel ram hrang hranga audition an neih atanga an lakluh a nih dan te an tarlang.
Sriya hi Odissi dance zirchhuak ngat a ni a, kum 12 mi lek a nih atanga mumal leh awmze nei taka lam zir tan niin, Odisha state-a profession dancer a ni.