Inter Milan winger Ivan Perisic chuan Thawhtanni zan khan Tottenham Hotspur-ah medical a nei dawn a, Premier League club hnenah hian kum hnih contract a ziak tura ngaih a ni.
Kum 33 mi hian June thlaah Inter Milan a contract a neih chu a hmang zo dawn a, Spurs hi free transfer in a zawm ang.
Croatia international Perisic hian tuna Tottenham head coach Antonio Conte hnuaiah Inter Milan-ah khel tawhin kum 2020-21 season-ah Serie A title an chawi dun tawh.
Tottenham in an lalut fel a nih chuan tun nipui a free transfer a player an lakluh pahnihna a ni dawn a, Southampton goalkeeper Fraser Forster chu London a a insawnna tur tifel thuai tura ngaih a ni.
Kum 2015 a Wolfsburg atanga Inter Mialn zawmtu Perisic hi winger nimahsela Conte hnuaiah left wing-back pawimawh a ni a. Season liamta khan Inter head coach Simeone Inzaghi hnuaiah left wing-back a khel chunzawmin match 49 atangin goal 10 a khung bakah assist vawi 9 a nei.
Inter Milan tana a khelh chhungin match 254 atangin goal 55 leh assist vawi 49 a nei.
Kum 33 mi hian KSV Roeselare, Club Bruges, Borussia Dortmund leh Bayern Munich tan te a khel tawh bawk.
Ram tan vawi 113 a khel tawh a, goal 32 khungin kum 2018 World Cup final an khelh theihna tura pawimawh zing ami a ni.