Kumin Eurovision Song Contest-a pakhatna Ukrainian band Kalush Orchestra chuan trophy an dawn chu $900,000 a hralhin Ukraine sipaite hman tur drone lei nan an hmang dawn.
Cyrstal microphone hi Facekbook kaltlanga lilam niin, an sum hmuhchhuah te hmangin an sipaite mamawh Drone lei an tum. Hei hi Berlin khawpuia Brandenburg Gate-a charity concert an neih nena indenchhena kalpui niin, concert-a sum hmuh te hi damdawi lam leh supply hrang hranga hman a ni ang.
Band member Oleh Psiuk chuan indona kal mek hi ngaia neih mai lo turin khawvel mipuite a ngen. UN zirchiannah tun thleng hian civilian 4,031 thi tawhin, hliam 4,735 an awm a. Sipai thi leh hliam zat erawh chiang taka sawi theih a ni lo thung.
Russia-in a run vanga indona in mi maktaduai 14 chuang chu an chenna In leh lo atangin a umchhuak a, February 24 atanga silai hmehpuahna khan khawpui leh khawte deuh te thlengin chhiatna namen lo an tawngbaw zut zut.
Ruahman dan chuan trophy hralhnaa sum hmuhchhuah hian Ukraine ram siam PD-2 dron pathum lei an tum a ni. Drone hi Ukrainina leh Russian sipaite’n an hmang rim malh malh hle.