Hmeichhe seeded number one Iga Swiatek chu hneh thei an la awm lova, a zawna match 32 a chakna turin French Open-ah Zheng Qinwen a hneh a, quarter-final a inhlangkai.
Thawhlehni a kum 21 tling chiah Swiatek hian tunhnai match 10 chhunga a vawikhatna atan set a hloh a. World number 74 Zheng hian theihtawp chhuahin a khingpui a fiah a, 6-7 (5-7) 6-0 6-2 in Swiatek a chak.
Zheng hi a tang thei viau a, set hmasa berah set point tum nga a khingpui in nei hman mahse a dang a, set hmasa zawk a la. Inkhel a kal rei deuh hnuah erawh a mal leh a pum lamah harsatna a nei a, a inkhel a tlahniam.
Kum 2020 champion Swiatek hian last 8-ah hian seeded number 11 Jessica Pegula a hmachhawn leh ang.
Swiatek chuan, “Set hmasa berah khelh dik tum in ball vuak leh technical lam ka thlurbing a, awmzia a awm lo. Kha khan min ti tawt telh telh a, kha vang khan engthawk zawka ka inkhelh theih nan ka rilruah hla ka sa a, Dua Lipa hla ka sa.” tiin a chak hnuah a sawi.
Swiiatek hi February 16 a Dubai a round of 16 a a tlawm hnuah a la tlawm leh lova, hetih chhung hian WTA title panga a la hman.