Aizawl : ZPM thalaiin Excise Minister thu pêka grape wine te man a nih hnuah Excise minister-in kuthnathawktute rilru na tur dawn lova grape wine chu dânin a khap avânga man a nih thu a sawi hnu lawkah, grape wine chu zu an dapna lama man tel an nih thu a sawi leh si hi a mumallohthlâk hlein kan hria” an ti.
ZPM thalai chuan “Excise minister hian a naute chètna a hriatpuilo a nih chuan a hna a tlin lo hleah kan ngai a ni” an ti a. “Excise minister-in grape wine a man vanga kuthnath- awktute manganga an awm laia, Agriculture minister a ngawi tlat hi mak kan ti a, kuthnathawktute thlavâng a hauh ngam lo em ni? an ti.
Excise minister-in grape chîngtute sorkâr in a ngaihsak tur thu a sawi chu Agriculture minister-in a hriatpui em? an ti a. Engtianga ngaihsak nge an rtum, grape te man ṭha taka an hralh theihna tur ruahmanna eng chen nge Agriculture minister hian a neih” an ti bawk