Assam sorkar chuan an state-a tui lian tuar nasa tak, Dima Hasao tanpui nan Rs Vaibelchhe 50 a pe dawn tih a puang.
Tui lian tuarte tanpuina tur hi Assam sorkar chuan Dima Hasao-a tui lian bakah lei min nasa tak chhungkuate tan hman a ni dawn tih a sawi a ni.
Puihna sum hi district chhunga tui lian leh lei minin a tihchhiat thil hrang hrang siam that nana hman tur a ni bawk.
Rs Vaibelchhe 30 chu kawng pawimawh zual chhiate siam that lehna atana hman tura tih a nih thu sorkarin thuchhuah a siamah tar lan a ni.
Tui lian leh lei minin an chenna in a tihchhiat chhungkaw 590-te hnenah an in an din leh nan Rs Nuai hnih theuh pek an ni bawk ang.
Tun hnaia ruah nasa tak sur avanga tui lian leh lei min hi Dima Hasao district hi a tuar na ber district an ni a. Kawngpui leh rel hmanga tlawhpawhna zawng zawng chu a chhe vek a ni.