Real Madrid forward Gareth Bale chuan club a chhuahsan tur thu a sawichiannaah Spanish club-ah hian a duhthusam te a takah an chang tih sawiin fans te a mangtha.
Bale-a contract hi tun nipui hian a zo tur a ni a, Real Madrid-ah seazson kua a hman chhungin trophy 16 a la hman.
Bale chuan, “He club a hun ka hman hi ka tan hun hlimawm leh nuam tak a ni a. Ka teammate nilai leh lo ni tawhte, ka manager zawng zawngte, coaching staff leh thawktu zawng zawngte bakah fans ten min thlawp tlat thin avangin lawmthu ka sawi.”
“Kum 9 kalta khan kum naupang tak ni chungin ka lo kal a, Real Madrid-ah duhthusam tam tak neiin bul ka tan. Kawr var ngaihhlut tak, club chhinchhiahna awm ngei ha chunga Santiago Bernabeu a han inkhelh a, champion trophy tam tak chawi te hi ka duhthusam an ni a, a bak tam tak ka tawng bawk.” a ti.