Aizawl: Congress party-in undivided Aizawl district-a Congress party block leh unit hrang hrangte tlawhchhuaka ‘|omir Fehchhuah’ an hman chu an zo fel.
Tomir Fehchhuahah hian ‘Party insawhngheh leh sorkar tura inbuatsaih’ tih thupui hmangin sorkar tha siam tura Congress party an inbuatsaih nasat zia te, thalai te, lo neitu te leh kuthnathawktu te eizawnna ngelnghet siamsak tura ‘Tang Puihna’ siam a nih tur thu te, healthcare tha tak siam a nih tur thu te, kalphung dik hmanga kal ngam sorkar huaisen siam an tum thu te, Mizoramin sum leh paia harsatna a tawh mekte sukianga hma lam pana Mizoram a kal theihna tur thute an aupui a ni.
Nimina an thuchhuahah Congress party hian an President Lalsawta kaihhruaina hnuaiah That Loh Theih Lohna Bawm, sorkar tha siam hi an tum tak tak thu leh, chutiang tur chuan an danglam ngam thute an sawi.
“Congress party chuan kalphung thar hi sorkar hunah chauh kalpui tum loin, tun atangin a takin a kalpui nghal a. MLA ni lai mek pangate tih loh chuan bial vil bik neih phal a ni lo a, Congress party hruaituten bial zawng zawng hneh takin kan vil ang a, a tling thei ngei tur mi tha, ram leh hnam hmangaih tak taktu candidate tha tak a hun takah siam a ni dawn a ni,” an ti.