Manchester United chuan rin loh deuhin Chelsea leh England midfielder Mason Mount, 23, lam an hawi a, Mount hian Stamford Bridge-ah contract thar a la ziak lo. (The Sun)
Liverpool in an forward Sadio Mane, 30 chuan Anfield a chhuahsan chuan Rennes a khel French forward Martin Terrier, 25, chu a thlaktu atan lak an tum. (Mirror)
Manchester United in Benfica a khel Uruguayan striker Darwin Nunez, 22, chu Pound maktaduai 68 a lalut turin ngawrh takin an umzui tan. (Talksport)
Newcastle United chuan Everton striker Dominic Calvert-Lewin lakluh tumin indawrna kalpui an duh a, kum 25 mi England international hi Arsenal leh Man United pawhin an ngaihven. (Mirror)
Barcelona manager Xavi chuan Wolves leh Portugal midfielder Ruben Neves, 25, chu an club a insawn turin inbiakna a neihpui. (Sport)
Juventus in Manchester City a khel Spanish defender Aymeric Laporte, 28, chu uluk takin an ngaihven chhunzawm. (Corriere dello Sport)
Arsenal in Leicester midfielder Youri Tielemans chu lakluh an tum a, kum 25 mi Belgian midfielder hi tun nipuiah a chhuah rinawm mahse club dang pahnihin an ngaihven ve mek. (Fabrizio Romano)
Georgian goalkeeper Giorgi Mamardashvili, 21, tuna Valencia a khel mek chu Tottenham in player an enthlak zingah a tel. (Marca)
Lazio in Chelsea midfielder Ruben Loftus-Cheek chu tun nipuiah an ngaihven a, Sergej Milinkovic-Savic a chhuah chuan a thlaktu atan an duh. (Gazzetta Dello Sport)
Liverpool in Sadio Mane thlaktu atan Watford rawlthar beiseiawm Joao Pedro chu an ngaihven mek. (Daily Mail)