AMC Site Development & Slope Modification Regulations, 2017 dan hman a nih hnuah mi 557 hnenah leih laih phalna pek a ni tawh.
AMC hnuaia Landslide Policy Committee- for Aizawl City chu an chairman, Aizawl Mayor Lalrinenga Sailo hovin nimin khan an thukhawm a, he huna an tar lan danin, lei laih dilna 885 a lut tawh a, phalna 557 pek ni tawhin, a bak chu la enfiah mek a ni a; permit pek theih loh panga a nei tawh bawk.
Aizawl Landslide Hazard map leh lei laih khuahkhirhna dan, AMC Site Development & Slope Modification Regulations, 2017 hi nikum October 29 atang khan kenkawh tan a ni.
He thutkhawmah hian an hmalak tawhnate thlirletin hmabak an thlir ho a, lei laih khuahkhirhna kawnga pawimawh tak tur 1:1000 landslide hazard- map siam turin hmalak an rel bawk a ni.
He committee hi Aizawl khawpuia lei min vanga chhiatna thleng thei venna kawnga hma latu an ni a, lei min vanga chhiatna laka invenna tur, plan Roadmap to Stability chu 2014 khan a siam.