Mizoram Football Association chuan 2022-2023 season-ah football inelna lian Mizoram Premier League chu khelh chhunzawm turin a rel.
Mizoram a football inelna sang hi kum hnih leh a chanve chuang hripui leng leh a nghawng vangin chhunzawm a ni tawh lova.
2022-2023 chhungin MPL khelh chhunzawm tum a nih avangin a hma zawng aia tha leh hlawhtling a kalpui a nih dan tur zirchiang tur study group din a ni.
Anni hian MPL kalpui dan thlirlet a, club neitute harsatna tawhte hriatpui chungin footballer-te hamthatna turte, inkhel entute tana phurawm zawk tur leh khuarei a MPL kal zelna tura thate an zirchiang ang.
CRS & Transfer Window
MFA General Body Meeting-in a rel angin Mizoram pumah player ziah luhna inang tlâng AIFF Centralised Registration System kalpui ṭan a ni dâwn a, hemi chungchang inzirtirna hi Mizoram hmun hrang hrangah buatsaih a ni ang.
Tun season transfer window hmasa zawk atan July 1-30 hman a rel a, hemi chhung hian MFA leh DFA hnuaia club-ten tualchhung player-te registration chu CRS hmangin an kalpui ang.
MFA Golden Jubilee
MFA hi kum 1973-a din niin nakkum, 2023 hi a kum 50-na tur a ni a, hei hi läwm tumin a ngaihtuahtu tur an ruat. Independence Day Football
Tun season-ah Independence Day Football khelh a ni leh dâwn a, mipa, hmeichhia leh veteran inelna kalpui a ni ang. A kalphung tur leh a ṭul dangte chu a ngaihtuah tu tura din committee-in a bawhzui ang.2022-2023 MFA Calendar:
All Mizoram Inter Village Football Tournament – June & July
Independence Day Football – August
Mizoram Premier League – August – December
Inter District Womens Championship – October
MPL Under 18 – November
Inter District Junior Boys Championship – December or January
MFA Womens League – February
Mizoram Under 15 League – March
MFA Cup – April