Mizoram K-pop fan club chuan Korean Cultural Centre, India nen tangkawpin 2022 K-Pop India Contest, Aizawl regional round chu zanin dar 8:30-ah tanin an buatsaih dawn a, contest hi online-a neih tur niin, Korean Cultural Centre, India youtube channel-ah en theih a ni ang.
K-Pop India Contest hi India ram pum huapa inelna niin, region tina inelnaa pakhat theuh te chu national level-ah an inel leh thin, national level-a pakhatna chuan International level-a inelna Korea-a neih thinah India ai an awh thin.
Tunkum inelnaah Priayanka Mazumdar leh Jonathan Lil Jae te judge an ni dawn a. Inelna bakah International level inelnaa pakhatna lo ni tawh te leh midang performance hmuhnawm tak tak a awm ang. Atomy smile vision, Noida te sponsor-in giveaway – Atomy Skin care system the fame set Rs. 9,100 man hu leh thil dang te a awm dawn bawk.
He inelnaa a thiam ber te tan lawmman sum leh thilpek dang bakah hamthatna hrang hrang dang ruahman a nih thu he inelna buatsaihtute chuan an sawi a ni.