British heavyweight boxer Derek Chisora chuan Kubrat Pulev lakah phuba lakna hun a nei dawn a. July 9-ah The O2 Arena-ah an intum dawn.
Kum 38 mi Chisora hian kum 2016 khan kum 41 mi Bulgarian boxer hi split decision in a hneh lo tawh.
Chisora hian kum 2007 a professional huang a dai luh hnuah vawi 32 chak neiin vawi 12 a tlawm tawh a. A chetthat laia world title chuh thei tur zingah chhiar tel ni hman hian nikum December khan a inhnek hnuhnung berah Joseph Parker a hneh lo.
A inhnek dan a huaisen avanga tan hlawh Chisora hi a zawnin vawi thum a tlawm tawh.
Pulev pawh hi world title vawi hnih chuh tawh a ni a, vawi 29 hnehna chang tawhin vawi hnih a tlawm.
Kum 2020 khan Anthony Joshua lakah knockout in a tlawm a. May thla khan chak ve lehnghal in American mi Jerry Forest lakah hnehna a chang.