Congress President Sonia Gandhi chu Enforcement Directorate (ED)-in Nilainiah an hmaah inlan turin ti mah se a inlan dawn lo niasawi a ni a, coronavirus a kai ve hnuah a la dam chiang hleithei lo nia sawi a ni.
PTI chuan an party chhunga mite thu a chhuah chhawnah June 2-ah Gandhi-i hian Covid a kai tih finfiah niin a inkhung hrang nghal a, tunah hian a inendik lehnaah a la negative rih lo nia tar lan a ni.
Agency hian Gandhi-i hi National Herald chanchinbu leh a neitu, AJL sum chingpen chungchangah thu zawh fiah turin June 8 hmaa an hnena inlan turin a ko va. Congress MP leh a fapa, Rahul Gandhi pawh June 13-ah he thu thovah hian thu zawh turin an ko bawk.
Gandhi-a zawk hi a tirah chuan June 2-a inlan tura tih a ni a; mahse, Wayanad, Kerala bialtu MP hian India ramah a awm rih loh avangin a hun sawn a lo dil tawh a ni.
Sorkar laipui hnuaia agency hian June 13-ah Delhi lailia an hmunpuia inlan turin a ti tha leh a ni.
ED-in thubuai a buaipui mek hi Congress-in National Herald chanchinbu hmanga an chawi lar, Young India chungchang niin he thila sum chingpen chungchang a ni a. Chanchinbu hi Associated Journals Limited (AJL)-in an tihchhuah niin hei hi Young Indian Pvt Limited ta a ni.
Thuneitute chuan agency hian Gandhi nufa thu sawite hi Prevention of Money Laundering Act (PMLA) section eng emaw zat hmangin chhinchhiah atan an duh mai niin an sawi.
Thuneitute hian Congress hruaitu langsarte leh Gandhi nufa zawh hi ED-in Young Indian prooter-te inkara chanpual insem dan, sum inpek tawnna leh AJL-a sum che vela dik lo an chhuina a nih thu an sawi.