Khawvel huapa International Music Exam Board tha leh rintlak zinga mi Rockschool chuan Mizoram chhunga Music School an Syllabus hmanga zirtirtu te pualin inrawnkhawmna hun June 7 (Thawhlehni) khan RSL Center Mystique, Aizawl ah hun an hmang.
He hun hmang tur hian Aizawl chhung leh pawn lama Music school-a zirtirtu an kal tha hle. June 8 (Nilaini) hian Music Production leh Dance school zirtirtu te pualin hun hman a ni thung ang.
He hunah hian RSL India aiawhin Arup Gohain, Business Development Manager, Rahul K, PAA Business Development Manager leh Zothanmawia LAR, Mizoram ten hun an hmang.
Kum 2012 atangin Mizoramah Rockschool London Syllabus hmanga Music exam hi hmachhawn tan a ni a. He Syllabus hmang music zirtir thei tur pawh pun belh hret hretin tuahchuan District hrang hrang Aizawl, Kolasib, Serchhip, Champhai, Saitual -a Music zirna 20 chuang atangin International Music Exam hi an hmachhawn thei ta hial !
Mizoram bik atanga RSL exam hmachhawn tawh zawng zawng hi zirlai 384 an tling tawh a, Subject hrang hrang atanga Grade 8 pass tawh zirlai 50 chuang an awm tawh bawk.
Rockschool in a tum ber chu Music hmanga hmasawna (Music Education) pek a ni. Musical Instruments chi hrang hrang bakah, Music Production, Podcasting, Performing Arts (Jazz, Theater, Street Dance) te a zir theih.
Rimawi hmang a hmasawnna ruhrel dik chhawpchhuah hi RSL Awards tum ber a ni.