Brazil leh Japan in Thawhtanni tlaiah international friendly an khel a, World Cup khel tura inbuatsaih ram pahnihte inkhelah hian 1-0 in Brazil an chak.
Tokyo a National Stadium a inkhelah Paris Saint-Germain striker Neymar chuan huntawp hma minute 13 a la awmin inkhel a goal awmchhun a khung a. Ram tan goal 74 a khungna a ni.
Minute 63,638 hma a inkhelah hian Neymar-a’n ram tana vawi 119 a inkhelhnaah goal a khung avangin Brazil record ni tura Pele goal khung zat chu goal thum chauhin a pha lo tawh.
Brazil hi a zawna match 13 tlawm lova kallai an ni a, coach Tite hnuaiah Qatar a World Cup khel turin an inbuatsaih ngawrh hle a. Kar hmasa khan South Korea 5-1 in an lo sawp tawh.
Brazil captain Marquinhos chuan, “Inkhel hautak zawk deuh kan beisei a, mahse kar hmasa a kan inkhel kan pha lo. Vawiinah tihsual kan neih leh thin khan Japan kha inrintawkna a pe a. A pumpui a thlirlet erawh chuan kan tan inkhel pawimawh leh tangkai tak a la ni a, fiahna dik tak a ni.” tiin a sawi.