Premier League club Crystal Palace chuan an player tawnrhiat nei tha tawh pahnih James McArthur leh James Tomkins te an chelh a, kum khat contract an ziahpui.
Player pahnihte hi tun thla a contract an neihlai hmang zo tur an ni a. Scotland midfielder hlui McArthur hian kum 2014 khan a hunlaia club chanchin a player manto ber ni turin Pound maktaduai 7 in Wigan Athletic atangin Palace hi a zawm a. Kum 34 mi ni tawhin an tan vawi 249 a inkhel a, goal 19 a khung tawh.
Kum 33 mi defender Tomkins hian kum 2016 khan Pound maktaduai 10 in West Ham United atangin Eagles hi a zawm a, an tan vawi 124 a inkhel tawh.
Tun season-ah Marc Guehi leh Joachim Andersen te thachhangdawltu a ni a. Martin Kelly a chhuah dawn avangin Palace in an tlarhnung a duhthlan tur an neih nan an chelh.
Hetihlai hian Liverpool pawhin England midfielder hlui James Milner chu kum khat contract an ziahpui.
Kum 36 mi Milner hian kum 2015 khan Liverpool hi a zawm a, an tan vawi 289 inkhel tawhin Premier League leh Champions League te telin trophy lian paruk a chawi tawh.