UK-a Zawlnei Muhammad fanu chungchang tarlanna film tihchhuah chu dodalna nasa tak vangin cancel nghal vek niin, Cineworld-in a tarlang.
Cinema chain lian tak hian an hnuaia thawk sfaff te leh customer te himna chungchang ngaihtuah vangin screening neih zawng zawng chu an cancel vek a ni.
‘The Lady of Heaven’ film chhuah tawh lo tura ngenna ah hian mi 120,000 chuangin hming an ziak a, UK cinemas atangin an la chhuak.
Bolton Council of Mosques chuan he film hi Pathian sawichhiatna a ni tiin, an dem hle.
Hetih lai hian, film chhuah loh tura hmalakna dodal leh duhlo pawh an tam hle. Arts tana chhiatna thlen thei leh free spech tana hlauhawm tur a ni, tiin zalen taka film buaipui leh siamna kawnga harsatna siam a ni fo chu tawp tawh se, an ti.
Tun kartir khan ‘The Lady of Heaven’ hi cinema hall-ah chhuah tan a ni a, a tir lamah mi 100 velin lungawilohna lantirin, a hnu deuh maiah mi tam takin an zawm ve nghal.
Film executive producer Malik Shhlibak chuan mipuiten an gaihdan an sawi chu pawmawm tak a nih rualin, cinema hian mite enchak leh en duhzawng siamna turin ‘rights’ an nei tiin, tan a khawh.