Juventus chuan an tlarhma tihchak an duh a, Argentine winger Angel di Maria chu lakluh duh mahse nghah rei an duh loh avangin Italy forward Domenico Berardi lam an hawi.
Di Maria hi tun nipui a Paris Saint-Germain chhuahsan tur a ni a, Bianconeri hian free transfer in an lalut dawn niin thu a thang nasa.
Nimahsela tunhnaiah Barcelona in an ngaihven ve avangin Juventus in an dinna an thlak a. Di Maria thutlukna siam nghah ai chuan Berardi lakluh tum a hma lak mai an duh ta zawk.
Barcelona in Di Maria man tur sen a ngaih dawn loh avangin remchang a lak an duh a, hetihlai hian Juventus pawhin la ngaihven tho mahse ani nghak a hunrei tak khawhral an duh lo.
Kum 27 mi Berardi hi AC Milan pawhin an ngaihven a, Italy tan vawi 24 inkhel tawhin kum 2013 atanga 2015 inkar khan Juventus player a ni tawh a, an tan erawh vawikhatmah khel lovin tuna a khelhna Sassuolo in loan in an hawh tawh.