Larsap Dr. Hari Babu Kambhampati-a’n nimin khan Vairengte tlawhin, Counter-Insurgency and Jungle Warfare School (CIJWS) leh Mizoram leh Assam ramria CRPF duty-na hmun te bakah Serlui B leh sorkar hmalaknaa hamthatna kalpui dan thenkhat a endik bawk.
CIJWS Commandant Major General Rajiv Thapar-a’n CIJWS kalphung leh sipai hnena zirtirna an pek dan tlangpui Larsap chu lo hrilhin, ral lemchan an entir nghal.
Larsap chuan Vairengtea Pradhan Mantri Ujjwala Yojana atanga eirawngbawlna gas connection dawngtute leh Pradhan Mantri Awas Yojana atanga in sak tanpuina dawngtute tlawhin, hamthatna la dawng kimlote pawhin an dawn thuai a beisei thu a sawi.
Serlui B Hydel Project-ah Chief Engineer, (Distribution), P&E Department Lalbiaksanga’n Lalrsap chu lo dawngsawngin, kawlphetha siam chhuah hna kalpui dan tlangpui te a lo hrilhfiah a. Larsap chuan kawlphetha thahnem zawk siam chhuak tura ruahmanna siam a tul thu a sawi bawk.
Larsap hi Kolasib Bawrhsap John LT Sanga leh Kolasib SP Vanlalfaka Ralte ten an ?awiawm a ni.