Aizawl South III bialtu MLA Prof. F. Lalnunmawia’n “Zirna hi mihringte min chher puitlingtu a ni” tiin, thahnemngai leh zuala zir turin zirlaite a chah.
Prof. F. Lalnunmawia chuan nimin khan Aibawk HSS tlawhin, he thu hi a sawi a. Kumina HSSLC exam-a an sikul result a that avanga lawmpuina thuziak leh Rs. 10,000 a pe.
Kumina Aibawk HSS atanga HSSLC exam zinga za-a 82.93 in an pass avanga lawmawm a tih thu sawiin, result tha nei tura zirtirtute inpekna fakawm a tih thu a sawi.
Prof. F. Lalnunmawia chuan social media leh thildanga hun khawhral tamin zirna kawngah nasa takin zirlaite a pawthniam niin Prof. F. Lalnunmawia chuan a sawi a. Zirna kawnga tihnufual thei thil chi hrang hrang laka inthiarfihlima, internet/social media hman dan tawk thiam a tul thu a sawi bawk.
Aibawk HSS hi kum 2012 a din niin, zirlai 41 an awm mek a ni.