Ramhlun Venglai YMA meeting room leh Upa Pawl building, MLA fund hmanga sak chu nimin khan bialtu MLA Dr. Vanlalthlana’n a hawng.
Dr. Vanlalthlana chuan a bial chhunga pawl hrang hrang, khawtlang leh mipuite tana tangkai tak leh tha takin MLA fund hman a ni thin nia sawiin, lawmawm a tih thu a sawi a. Ramhlun Venglai YMA pawhin tangkai takin MLA fund an hmang nia sawiin, lawmawm a tih thu a sawi. Miharsa zawk te tana luangchhuak zel tur leh kan khawtlang hmasawnna tura thahnemngai taka penchhuak zel turin a chah bawk.
Bialtu MLA chuan Ramhlun Venglai MUP building hawn theiha peih a ni ta pawh Local development committee leh khawtlang thawhhona rah a nih thu sawiin, lawmawm a tih thu a sawi a. “Kum upa te hlut zia hi kan hriat deuh deuh a pawimawh” tiin, upa te pawh an kum te lo tam chho zel mahse, inti upa mai lova, in thlahdah mai lo turin a chah a. “Upa te hi kan ram rohlu in ni” a ti.