ZPM party thalaiin Mizoram sorkarin sorkar sikula school uniform inang hmang tura ruahmanna a kalpui mek chu a taka hman a nih chuan zirlai, nu leh pa-te tana phurrit lian tak a ni dawn nia sawiin, school uniform chu a thlawna sem turin Mizoram sorkar an ngen.
ZPM thalai chuan school uniform supply-tu tur pawh restricted tender ni lo, open tender hmang ngeia thlang turin Education Minister Lalchhandama Ralte chu an ngen tih an sawi a. “School uniform thlaka, uniform inang hman hi mi tu emaw vurna ni lo hram sela, man ṭang teltu an awm loh hram kan beisei” an ti.
“A behbawm mai maia buai lova, sorkar sikulah mi nawlpui kan kal duhna tura kan education system tichangtlunga, siamṭha turin Education Minister kan phut” an ti bawk.