Synod Higher Secondary School, Aizawl-in an school Multipurpose hall-ah kumina HSLC leh HSSLC exam-a an zirlai tithate lawmpuina leh chawimawina nimin khan an buatsaih a. Zirlai tithate chu Synod HSS bakah Synod HSS Alumni association-in lawmpuina thilpek an hlan.
Synod HSS atanga HSLC exam zinga ti tha ber hnena kumtin an hlan thin Lalthawmmawia memorial award chu H. Vanlalremruatpuii’n a dawng a. Synod HSS atanga HSLC exam zinga Science subject-a ti tha ber Lalrohlua hnenah lawmpui an hlan a. HSSLC (Art)-a a pumpuia 1-na Lalrohlui Ralte; 3-na V Lalvenhimi; 10-na PC Laltanpuia te bakah English subject-a mark hmu sang ber PC Lalhruaizela; Economics subject-a mark hmu sang ber Lalrohlui Ralte leh Science stream-ah Mathematics-a mark hmu sang ber Vanlalthansanga te hnenah chawimawina leh lawmpuina thilpek an hlan bawk.
Synod HSS zirlai titha chawimawinaah hian Synod HSS zirlai leh zirtirtute leh zirlai tithate nu leh pa te bakah Synod HSS Alumni association president Lalbiakthanga Khiangte hovin hruaitu dang engemawzat an tel a ni.