National Integrated Forum of Artists and Activists (NIFAA), India-in midang tana a thlawna thisen pe tam Mizo pathum – RC Rokhum, C. Lalremruata leh Rebecca Saimawii te hnenah Golden Arm Award a hlan.
RC Rokhum leh C. Lalremruata te hian vawi 83 ve ve a mamawhte tan a thlawnin thisen an pe tawh a, Rebecca Saimawii’n vawi 75 a pe tawh thung. NIFAA Mizoram Chapter President Jacinta Vanlalengzami’n midangte nun chhan nana thisen petute chu chawimawi phu an nih zia leh an mihringpuite tana an hlut zia a sawi a. Hnamdang hmeichhia ten thisen pek an hlauha an \ih em em laia Rebecca Saimawii’n vawi 75 lai thisen a pe thei chu hmeichhiate tana entawntlak, hmahruaitu a nih zia sawiin, NE mai bakah India ram pumah pawh a ni aia thisen pe tam hmeichhe zingah a la hriat loh thu a sawi bawk.
Nikum March thla khan NIFAA, India chuan ram zalenna sualtu, ram tana martar pathum – Bhagat Singh, Rajguru leh Sukhdev te hriatreng nan ram pum huapin ‘Blood and Plasma Donation, India’ a huaihawtin, world record thar a siam a. He campaign hriatreng nana NIFAA Mizoram Chapter-in National Headquarters-a rawtna a thlen bawhzuiin, Mizorama thisen pe tam berte hnenah Golden Arm Award hi June 10, 2022 khan pek a ni.