Aizawl Municipal Coporation (AMC) hnuaia hmalakna hrang hranga rawtna emaw, sawiselna emaw ziaka thlenna, Complaint Box chu nimin khan hawn a ni. Complaint Box hawngtu, AMC hnuaia Enforcement Committee chairman, Councillor John Zosangliana Ralte chuan AMC hnuaia hmalakna \henkhat – Building Regulation 2012, Solid Waste Management Bye Laws 2019, Site Development & Slope Modification Regulation 2017, Licencing Regulations leh Advertisement & Hoarding Regulations dan te chu enforcement committee-in an vil dawn tih a sawi.
Heng dan hrang hrang bawhchhiatna hmu emaw, sawisel duh neiin emaw ziakin an complaint chhan leh an hming chiang taka ziakin complaint box-ah a thehluh theih tih sawiin, complaint-tu chu an hming puan zar a ni dawn lova, complaint box chu kartin Zirtawpniah hawngin an endik ang a, dan bawhchhiatna awm nia sawite chu a hmunah an enfiah anga, dan anga action lak zel an tum thu a sawi a ni.
John Zosangliana Ralte chuan enforcement committee chuan vil bik tur subject panga an nei chungin building regulation chu an vei bik thu sawiin, an term kal meka kum li hun an la neih chhunga building permission la tharte chu an control chuan hmasawnna leh entawn tur hnutchhiah an neih ngei an beisei tih a sawi a, khawpui nuam zawka siam tura an hmalaknaah hian local council-te nen thawhhona \ha neih a \ul thu leh mipuite chu an hmalakna \awiawm turin an sawm.
AMC Enforcement Committee-ah hian MNF, ZPM leh Congress Councillor 13 an tel a ni.