Mizoram State Health Care Scheme (MSHCS) hnuaia damlo inenkawlna senso bill ba rulh pui na tura sorkar laipuia rawtna an thlen chu an pawmpui tih Health Minister Dr R Lalthangliana’n a sawi.
He thu hi nimina World Blood Donor Day a hmanpuinaah sawiin, Health minister chuan, State Health Care Scheme chu Mizoram mipui a tam thei ang berin an chhawr tangkai theih nana sorkarin ruahmanna a siam tih sawiin, hetihlai hian khuarel chhiatna hrang hrang avanga sorkar sum indaihlohna avangin health care bill ba tam tak a awm phah tih a sawi.
Health care scheme hnuai bill ba te rulh a nih theih nan Central Sawrkar rulhpui turin Asian Development Bank-ah soft loan cheng vaibelchhe sangkhat an dil thu sawiin,”Hemi chungchanga Mizoram sorkar hotulute’n vawi tam tak sorkar laipui thuneitute an dawr hnuah Finance Ministry Screening Committee chuan thawhtanni zan khan rawtna kan thlen chu an pawmpui tak thu min rawn hrilh,” a ti.